قبل ما تطلب
إزاي تقيس مطبخك
ارسم حيطان مطبخك واكتب أطوالها، وعلّم المية والصرف والغاز والفيش، وصوّر المكان. ولو صعبت عليك، كلمنا على الواتساب.
هتحتاج: شريط متر ورقة وقلم موبايل للصور حد يمسك معاك المتر
الخطوات
ارسم شكل الأوضة
ابدأ من الباب، وارسم الحيطان بالترتيب لحد ما ترجع لنفس النقطة، على ورقة. ارسم الأوضة كلها، وأي عمود أو بروز ارسمه زي ما هو.
قيس كل حيطة 3 مرات
من ركن لركن: عند الأرض، وعلى حوالي 90 سم، وعلى حوالي 150 سم. اكتب أصغر رقم بالسنتيمتر، لأن الحيطان مش دايمًا مستقيمة.
قيس ارتفاع السقف
من الأرض لحد السقف، واكتبه بالسنتيمتر على الورقة. ولو الأرض لسه من غير بلاط، اعرف تخانة البلاط واطرحها.
علّم الفتحات والمخارج
حط علامة لكل باب وشباك ومخرج مية وصرف وغاز وفيشة وشفاط على حيطته، واكتب جنبها اللي في الجدول تحت. المسافة من ركن الحيطة، والارتفاع من الأرض بعد البلاط.
صوّر الورقة والمطبخ
صوّر الورقة اللي عليها المقاسات، وصورة لكل حيطة من قدام من الأرض للسقف، وصور قريبة للمواسير والغاز والفيش. وبعدين فيديو قصير تلف فيه على الحيطان من بعيد. ولو تقدر، خلي المتر مفرود في الصورة.
علّم الأجهزة
في خطوة الأجهزة علّم على الأجهزة اللي عندك أو هتشتريها. ولو جهاز نوعه أو مقاسه مختلف، زي تلاجة سايد باي سايد أو فرن بلت إن، اكتبه في الملاحظة. والمقاسات بنحددها معاك في التصميم.
اكتب إيه على الرسمة
رسمة مثال: كل حيطة بطولها بالسنتيمتر، والحروف على الأركان، وكل مخرج في مكانه.
| العلامة | تكتب جنبها إيه |
|---|---|
| باب | بُعد أول الفتحة عن الركن، وعرض الفتحة. |
| شباك | بُعد أول الشباك عن الركن، وعرضه، وارتفاع جلسته من الأرض. |
| صرف | بُعد نص الماسورة عن الركن، وارتفاعها من الأرض. لو طالعة من الأرض اكتب 0. |
| مياه | بُعد نص مخرج المية عن الركن، وارتفاعه من الأرض. |
| غاز | بُعد محبس الغاز أو ماسورته عن الركن، وارتفاعه من الأرض. |
| فيشة | كل فيشة لوحدها: بُعد نصها عن الركن، وارتفاعها من الأرض. |
| شفاط | بُعد نص فتحة الشفاط في الحيطة عن الركن، وارتفاعها من الأرض. |
المقاسات القياسية
| البند | المقاس |
|---|---|
| عمق التحتانيغسالة الهدوم عمقها حوالي 60 غير الخراطيم، فممكن تطلع بارزة. | حوالي 58–60 سم |
| ارتفاع الرخامة من الأرضالأدق 10–15 سم تحت كوع اللي بيطبخ أكتر. | حوالي 85–90 سم |
| من الرخامة لأول العلوييعني العلوي بيبدأ على حوالي 135–150 سم من الأرض. | حوالي 50–60 سم |
| ارتفاع العلويفبيخلص على حوالي 205–220 سم من الأرض. | غالبًا 70 سم |
| عمق العلويأقل من التحتاني عشان راسك ماتخبطش. | حوالي 30–35 سم |
| الشفاط فوق البوتاجاز الغازالرقم المظبوط في كتالوج الشفاط اللي هتشتريه. | غالبًا 65–75 سم |
| الفيش فوق الرخامةمن الأرض بعد البلاط، مش من الخرسانة. | حوالي 110–120 سم |
| دولاب طويل (فرن وميكرويف)عرض × ارتفاع، وعمقه 58 زي التحتاني. قارنه بارتفاع سقفك. | مثلًا 60 × 230 سم |
| الممر بين صفينلو المطبخ صفين قصاد بعض. | حوالي متر أو أكتر |
أخطاء بتتكرر
- تقيس الحيطة مرة واحدة. قيسها تلات مرات وخد الأصغر.
- تقيس الحيطة اللي عليها المطبخ بس، وتسيب باقي الأوضة.
- تقيس الارتفاعات من الخرسانة بدل الأرض بعد البلاط.
- تحط العلامة من غير بُعدها عن الركن وارتفاعها من الأرض.
- تعمل تأسيس الكهربا والمية قبل التصميم، فالفيشة تطلع ورا التلاجة أو الصرف في نص درج.
قست؟ ابعتلنا المقاسات
ارفع في الطلب صور المقاسات، وصورة لكل حيطة، وفيديو قصير للحيطان.