ليه الركنة بتتحسب مرتين؟

أسعارنا بالمتر المربع، على حسب الخامة والمواصفة، وبتزيد أو تقل حسب عدد الأمتار:

• ألوميتال 2.5 × 2.5: من 5,000 لـ 6,500.
• ألوميتال سليم 18 مم (ماكسيم): من 6,000 لـ 6,700.
• خشب: من 6,000 لـ 7,100.

ومواصفة كل سعر وضمانه في سعر المتر.

ومابنقولش سعر المطبخ كله من الأول، لأن السعر بالظبط محتاج معاينة، وتصميم نحصر منه الكمية، وتحديد المواصفة. قبل كده السعر بيتقال تقريبي، أو رينج من رقم لرقم.

سعر المتر المربع عندنا شامل:

• كل اللي في المواصفة.
• السكلو، والضلف الزجاج.
• المقابض والمفصلات والمجاري.
• التركيب.

ومش داخل فيه:

• النقل، وفك المطبخ القديم.
• الرخامة، والليد، والإكسسوار الإضافي: كل واحد بند لوحده.
• التجاليد والأجناب الظاهرة: بنص سعر المتر.

التكلفة = عدد الأمتار المربعة × سعر المتر. والتجاليد بنص سعر المتر، والرخامة والليد والإكسسوار الإضافي كل واحد بند لوحده.

ومقاس الأوضة لوحده مايحددش الأمتار: نفس المساحة ممكن أمتارها تقل أو تزيد على حسب شكل المطبخ، وفيه علوي ولا لأ، وعدد الأدراج، والدولاب الطويل. عشان كده الرقم بالظبط بيطلع بعد المعاينة والتصميم وتحديد المواصفة، وقبلها بيتقال تقريبي أو رينج.

إحنا بنحسب بالمتر المربع: عرض كل وحدة × ارتفاعها، والأدراج والدولاب الطويل والركنة ليهم حساب خاص. وورش كتير بتحسب بالمتر الطولي، وكل ورشة ليها طريقتها: فيه اللي بيعدّ السفلي والعلوي كل واحد لوحده، واللي بيعدّهم مرة واحدة «فوق وتحت» بسعر متر أعلى. وده اللي بيخلّي الأرقام تفرق.

عشان تقارن صح:

• اطلب الحصر مكتوب وحدة وحدة، وطريقة الحساب جنبه.
• لو العروض على نفس الحصر وبنفس الوحدة، قارن سعر الوحدة بند بند.
• غير كده، قارن الإجمالي على نفس المواصفة ونفس البنود.

واسأل: الركنة اتعدّت مرة ولا مرتين؟ ومكان التلاجة والغسالة اتحسب؟ والحسبة بالتفصيل في طريقة حساب المتر.

من رقم لوحده محدش يقدر يحكم. قبل أي عربون، اطلب مكتوب: الكمية وطريقة حسابها، والمواصفة (الدواخل والضلف وسمكها وماركتها والمفصلات)، والسعر مفصّل بنود. وقارن سعر الوحدة بعرض تاني على نفس الحصر، أو بسعر المتر عندنا لأقرب مواصفة، بعد ما تحوّل الكمية لمتر مربع.

وشامل إيه؟ بيختلف من ورشة لورشة، فاسأل، وخلّي الإجابة تتكتب في العرض: النقل والتركيب داخلين ولا لأ؟ والرخامة والليد والإكسسوار؟ ونفس السؤال عن الأجهزة، والحوض والخلاط، والسباكة والكهربا والغاز، وفك المطبخ القديم.

بنصمّم مطبخك وبننفّذه. ولو هتنفّذ مع ورشة تانية، بنكتبلك الحصر والمواصفة بند بند، بوحدات الورش وبكلام السوق، فأي ورشة محترمة تقدر تسعّر عليهم.

• «تصميم» 1,000 جنيه، لو هتقيس بنفسك: رندر واقعي، ومساعدة في اختيار الخامات، وحصر ومواصفة بند بند، ورينج لسعر الوحدة في كل بند، وتعديلات في نفس النطاق، وملف PDF.
• «تصميم وقياس» 2,000 جنيه: كل اللي فوق، ومعاينة وقياس في الموقع، ومراجعة أماكن الأجهزة والكهربا والمية، ورسومات بالمقاسات لأي ورشة.
• «تصميم ومتابعة» 3,750 جنيه، لو عايز حد معاك لحد الاستلام: كل اللي فوق، ومراجعة عروض الورش على نفس الحصر، وزيارتين متابعة، واستلام المطبخ معاك، وفيديو لفّة جوه المطبخ قبل التنفيذ، وضمان لو اخترت المواصفة اللي بنرشّحها.

المعاينة والزيارات في القاهرة والجيزة، وبرّاهم بتقيس بنفسك وتبعتلنا الصور.

من صفحة الطلب بتملا: بياناتك، والباقة، والمقاسات (لو هتقيس بنفسك)، والأجهزة، وأي ملفات زيادة. وفي الآخر بتحوّل قيمة الباقة، وتبعت صورة التحويل على الواتساب برقم طلبك، وبعدها نبدأ.

المقاسات:

• مع «تصميم وقياس» أو «تصميم ومتابعة» في القاهرة والجيزة: إحنا اللي بنقيس، وبنتفق معاك على الميعاد على الواتساب.
• غير كده: بتقيس بنفسك، وترفع صور المقاسات، وصورة لكل حيطة، وفيديو قصير للحيطان. ولو الفيديو كبير، ابعته على الواتساب.

وأي مقاس مش متأكد منه، اكتب أقرب رقم ونراجعه معاك من الصور. وباقة «تصميم» أونلاين، فتنفع من أي محافظة.

لو بتطبخ كتير والمكان رطب: ألوميتال بدواخل فايبر، أو خشب كونتر بحروف مقفولة. ولو الشكل أولوية، الخشب اختياراته أكتر.

• الألوميتال: متانته بتزيد كل ما وزن العود يزيد. العود الخفيف بيتخبط ويعلّم، وممكن يقع من الحيطة، والشاسيه بيطبّق من أقل خبطة، والمفصلات ممكن تفك. ولو عايز عمر أطول وشكل أحلى، السليم 18 مم (ماكسيم).
• الخشب: كونتر أو MDF، ووشه بولي لاك أو أكريليك أو HPL أو PVC. الكونتر بيستحمل المية، إنما الـMDF بيبوظ منها.

وحدة الحوض أخطر مكان: ألوميتال، أو فايبر، أو بروديوم (خامة مضادة للمية بنسبة 99%)، ولو خشب يبقى ليها حامي ألومنيوم للقاعدة.

واللي بيعيّش المطبخ أكتر من اسم الخامة: الدواخل وسمكها، وتقفيل الحروف، والمفصلات والمجاري بماركة معروفة، وكله مكتوب في المواصفة. ومميزات وعيوب كل خامة في الخامات وأنواعها.

• جرانيت: صلب وبيستحمل، بس ألوانه محدودة.
• رخام: مسامه واسعة، فبيعمل نقر.
• كوارتز: سعره غالي، ومنه أنواع كتير بتبقّع.

والرخامة بند لوحده برا سعر متر المطبخ، وسعرها على حسب نوعها ومساحتها بالمتر المربع، والمساحة فيها الضبل والوزرة. وعشان نقول سعرها بالظبط لازم نعمل معاينة، ونعمل تصميم نحصر منه المساحة، ونحدد المواصفة. غير كده السعر بيتقال تقريبي، أو رينج من رقم لرقم.

وأي سعر تسمعه اسأل: طولي ولا مربع؟ لوح ولا متركب؟ شامل الفتحات؟ والضبل والوزرة داخلين ولا لوحدهم؟

جرّب كل حاجة قبل آخر دفعة، وماتدفعهاش غير لما الملاحظات تتصلح:

• الضلف مستوية وبتتقفل بهدوء، والأدراج بتتفتح وتتقفل بسهولة وهي مليانة.
• العلوي متثبت جامد، والحروف مقفولة حتى المستخبية.
• افتح المية وبص تحت الحوض، والرخامة مفيهاش شروخ.
• الماركات والسمك زي المواصفة، والسمك يتقاس بالكاليبر.

لو ظهر عيب بعد التركيب: صوّره فيديو، وابعته للورشة مكتوب على واتساب مع بند المواصفة. ولو فيه جزء مخالف للمكتوب (لوح أرفع أو ماركة تانية)، اطلب تغييره. وخد مدة الضمان واللي بيغطيه مكتوبين.